phode-phunsee se lekar kainsar tak ke ilaaj ka raaj chhipa hai in pedon kee chhaal mein

srshti ke aadikaal se manush‍yon dvaara vrkshon ko prayog mein laaya ja raha hai. vaigyaanik drshti se vrksh aur manush‍ya donon ek doosare ke poorak hote hain. vooksh hamase kaarbanadaee ok‍said leta hai to vaheen jeevan jeene ke lie ham vrkshon se ok‍seejan lete hain. sabase khaas baat yah hai ki vrksh har tarah se jan upayogee hote hain. tamaam vrksh aise bhee hain jo apane aushadheey gunon ko lekar jaane jaate hain, jinakee pattiyaan, jaden aur chhaalen bhee kaaphee laabhadaayak hotee hai. to aaie aise hee kuchh aushadheey gunon vaale vrkshon se ham aapaka parichay karaate hain, jinake prayog se aap khud ko kaee tarah kee gambheer beemaariyon se chhutakaara pa sakate hai.

arjun

arjun vrksh bhaarat mein hone vaala ek aushadheey vrksh hai. ise ghaval, kakubh tatha nadeesarj bhee kahate hain. arjun ke ped kee chhaal ko alag-alag tarah se prayog mein laakar kaee gambheer beemaariyon ko door kiya ja sakata hai. ek se dedh cham‍mach arjun kee chhaal ka paudar, 2 gilaas paanee mein tab tak ubaalen jab tak ki paanee aadha na ho jae. phir ise chhaan kar thanda kar len. pratidin subah shaam, 1 ya 2 gilaas piyen. isase b‍lok huee dhamaniyaan khul jaengee aur koles‍trol kam hone lagega.

roj subah shaam niyamit roop se arjun kee chhaal ke choorn se taiyaar chaay bana kar piyen. arjun kee chhaal ko kapade se chhaan le is choorn ko jeebh par rakhakar choosate hee hrday kee adhik aniyamit dhadakanen niyamit hone lagatee hai. isake alaava subah arjun kee chhaal ka kaadha banaakar peene se raktapitt door ho jaata hai. chhaal ke choorn ko mehandee mein mila kar baalon mein lagaane se saphed baal kaale ho jaate hain.

neem

neem ke ped kee chhaal t‍vacha rogon ke lie bahut hee laabhaprad hai. tvacha par hone vaale phode-phunsee, daad, khujalee aadi mein isakee chhaal prayog mein lete hain. isake lie ise paanee mein ghisakar sankramit sthaan par lagaen. bhojan karane se pahale roj 1-1 chammach choorn lene se madhumeh niyantran mein rahata hai.

isake lie paneer ke dode (ek prakaar ka phal), kutakee, chiraayata, neem kee chhaal va giloy ke patton ko samaan maatra mein lekar paudar bana len. neem kee pattiyaan bhee phaayademand hotee hai. ise paanee mein ubaal len aur paanee thanda hone ke baad naha len isase aap charm rog hone kee sambhaavana khat‍ma ho jaatee hai.

babool

babool ka vrksh aushadheey gunon se bhara hai, yah munh ke rogon aur gup‍ta rogon mein bahut hee laabhadaayak hota hai, yah striyon mein baanjhapan aur purooshon mein shukraanuon kee kamee ko door karata hai. 20 graam babool kee chhaal ko 400 mileeleetar paanee mein ubaalakar bache hue 100 mileeleetar kaadhe ko din mein teen baar pilaane se bhee maasik-dharm mein adhik khoon ka aana band ho jaata hai.

40 mileeleetar babool kee chhaal aur neem kee chhaal ka kaadha rojaana 2-3 baar peene se pradar rog mein laabh milata hai. tvacha ke jalane par chhaal ke baareek paudar ko thode naariyal tel mein milaakar jale hue sthaan par lagaen. isase jalan door hone ke saath nishaan bhee nahin padega. chhaal ke paudar ko paanee mein ubaalakar garaare karane se munh ke chhaale theek ho jaata hai.

gajapeepalee

gajapeepalee ko aam bhaasha mein maida lakadee kaha jaata hai. isakee chhaal graahee (bhaaree) hotee hai. atisaar ke rog mein isakee chhaal bahut hee upayogee hotee hai. chhile hue jakhmon mein isake taaja ya sookhe tane ko ghisakar lagaane se jakhm jaldee bhar jaata hai.

isake baareek choorn ka lep banaakar lagaane se haddee tootane vaala dard, chot, moch, soojan, gathiya, saayatika aur kamar dard theek ho jaata hai. maida lakadee va aama haldee ko samaan maatra mein lekar choorn ko 1-1 chammach doodh ke 10 din tak sevan karane se bhee chot, moch ka dard door ho jaata hai.

ashok

maan‍yata ke anusaar ashok ko shok naash karane vaala vrksh kaha jaata hai. isake neeche baithane se man ka shok nash‍ta hota hai. isaka aushadheey gun bhee hai. ashok kee chhaal aur push‍pa ko baraabar maatra mein subah paanee mein bhigokar rakh den. raat mein rakh den, subah is paanee ko chhaanakar pee len. isase khoonee bavaaseer door hota hai. ashok kee chhaal ka 40 se 50 mileeleetar kaadha peene se khoonee bavaaseer mein khoon bahana band ho jaata hai.

phode-phunsee ko door karane ke lie isakee chhaal ko paanee mein ubaalakar kaadha banaakar len, isamen thoda sarason tel milaakar lagaane se jaldee asar hota hai. isake alaava mahila sambandhee dikkaton mein choorn mein mishree milaakar gaay ke doodh se 1-1 chammach len.

vatavrksh

vatavrksh hindoo dharm mein bahut mahatvapoorn sthaan rakhate hain, yah paryaavaran kee drshti se bhee bahut mahat‍vapoorn hai. isake patton aur jataon ko peesakar lep lagaana tvacha ke lie laabhakaaree hai. vatavrksh ke chhaal ke kaadhe mein gaay ka ghee aur khaand mila kar peene se baadee bavaaseer mein laabh milata hai. isakee chhaal ko chhaaya mein sukhaakar, isake choorn ka sevan mishree aur gaay ke doodh ke saath karane se smaran shakti badhatee hai.

chhaal aur jata ka churn madhumeh rog ko door karata hai. isake patton kee raakh ko alasee ke tel mein mila kar lagaane se sar ke baal ug aate hain, isake komal patton ko tel mein pakaakar lagaane se sabhee kesh ke vikaar door hote hai, daant ke dard mein isaka doodh lagaane se dard door ho jaata hai aur durgandh door ho kar daant theek ho jaata hai aur keede nasht ho jaate hai.

munh mein chhaale, jalan, masoodhon mein jalan va soojan mein isakee chhaal ke choorn kee 2-5 graam kee maatra rojaana subah-shaam paanee se len. ek maah tak aisa karen, laabh hoga.