gale kee kharaash ko bina dava ke 1 din mein theek karate hain ye 5 ghareloo nus‍khe

garmee jaane ke saath hee sardee kee shurooaat ho chukee hai. mausam mein yah badalaav kaee cheejon ka sanket deta hai, isase shareer mein kaee tarah ke badalaav dekhane ko milate hain. aise mausam mein sardee, jukaam aur vaayaral pheevar jaisee samas‍ya bhee hone lagatee hai. in sab mein sabase aam samas‍ya hai gale kee kharaash, jo adhikaansh logon ko hotee hai. kharaash ko samay par theek karana jarooree hota hai varana yah khaansee ka roop le letee hai. gale kee kharaash ko theek karane ke lie ham aapako 5 aasaan ghareloo nus‍khon ke baare mein bata rahe hain, jisase ek din mein aapako aaraam milega!

Garam paanee aur namak ke garaare

jab gale mein kharaash hotee hai to shleshma jhillee kee koshikaon mein soojan ho jaatee hai. namak is soojan ko kam karata hai jisase dard mein raahat milatee hai. upachaar ke lie ek gilaas gunagune paanee mein ek bada chammach namak milaakar ghol len aur is paanee se garaare karen. is prakriya ko din mein teen baar karen.

Lahasun

lahasun imphekshan paida karane vaale jeevaanuon ko maar deta hai. isalie gale kee kharaash mein lahasun behad phaayademand hai. lahasun mein maujood eleesin jeevaanuon ko maarane ke saath hee gale kee soojan aur dard ko bhee kam karata hai. upachaar ke lie gaalon ke donon taraph lahasun kee ek ek kalee rakhakar dheere dheere choosate rahen. jaise jaise lahasun ka ras gale mein jaega vaise vaise aaraam milata rahega. lahasun ka ras nikaalane ke lie beech beech mein daanton se kuchalate rahen.

Bhaap lena

kaee baar gale ke sookhane ke kaaran bhee gale mein imphekshan kee shikaayat hotee hai. aise mein kisee bade bartan mein garam paanee karake tauliya se munh dhakakar bhaap len. aisa karane se bhee gale kee sikaee hogee aur gale ka imphekshan bhee khatm hoga. is kriya ko din mein do baar kiya ja sakata hai.

Adarak

adarak bhee gale kee kharaash kee behad achchhee dava hai. adarak mein maujood enteebaikteeriyal gun gale ke imphekshan aur dard se raahat dete hain. gale kee kharaash ke upachaar ke lie ek kap paanee mein adarak daal kar ubaalen. isake baad ise halka gunaguna karake isamen shahad milaen. is pey ko din mein do se teen baar peeen. gale kee kharaash se aaraam milega.

Masaala chaay

laung, tulasee, adarak aur kaalee mirch ko paanee mein daalakar ubaalen, isake baad isamen chaay pattee daalakar chaay banaen. is chaay ko garam garam hee peeen. yah bhee gale ke lie behad laabhadaayak upaay hai jisase gale mein turant aaraam milata hai.