ek
adhyayan ke mutaabik, asthama kee staindard davaiyaan lene ke alaava vitaamin
dee kee atirikt khuraak lene se is rog ke jokhim ko aadha kiya ja sakata hai.
vitaamin dee ka sapleement lene vaale logon mein asthama ke ek daure ke baad
isaka khatara 50 pheesadee tak kam paaya gaya. vitaamin dee shareer kee
pratiraksha pranaalee ko majaboot karake ooparee shvasan sankraman ko niyantrit
karata hai, jisase gale kee soojan kam ho jaatee hai. bhaarat mein asthama se
lagabhag 1.5 se do karod log prabhaavit hain. asthama phephadon kee ek gambheer
beemaaree hai, jo saans lene kee nalee ko sankara kar detee hai, jisase saans
lene mein takaleeph, seene mein jakadan aur khaansee aatee hai.
indiyan
medikal esosieshan (aaeeeme) ke adhyaksh do. ke.ke. agravaal ne kaha,
"asthama ko samajhane ke lie yah mahatvapoorn hai ki pahale shvasan nalee
ke kaam ko samajh liya jae. yah vo nalee hotee hai, jisake jarie aapake
phephadon mein hava jaatee hai aur baahar aatee hai. asthama ke logon mein,
isee vaayumaarg mein soojan aa jaatee hai, jisase unaka gala bahut adhik
sanvedanasheel ho jaata hai. is vajah se, kuchh padaartho ke prati vaayumaarg
kasake pratikriya karata hai."
do.
agravaal ne kaha ki aisa hone par aasapaas kee maansapeshiyon ko majabootee
milatee hai. nateejatan, vaayumaarg sankara ho jaata hai, jisase phephadon mein
bahane vaalee hava kam ho jaatee hai. is prakaar, vaayumaarg kee koshikaen
saamaany se adhik balagam banaane lagatee hain. ye sabhee asthama ke lakshan ho
sakate hain. vaayumaarg mein soojan ho sakatee hai.
unhonne
kaha ki is beemaaree ke kuchh sabase aam lakshan hain- raat mein, vyaayaam ke
dauraan ya hansate samay saans lene mein kathinaee, chhaatee mein jakadan,
saans kee kamee aur gharagharaahat (visheshakar saans chhodate samay). yadi
upachaar na kiya jae to asthama ke lakshan khataranaak ho sakate hain.
do.
agravaal ne kaha, "graameen aur shaharee donon hee kshetron mein saans kee
nalee mein sanvedanasheelata badh rahee hai, kyonki log kaee tarah ke trigars
vaale sampark mein adhik rahate hain. asthama ke mareej ko nirantar chikitsa
dekhabhaal kee aavashyakata hotee hai aur madhyam se gambheer asthama vaale
rogiyon ko lambe samay tak davaiyaan lenee pad sakatee hain. inamen soojan kam
karane vaalee davaen pramukh hain. lakshanon aur hamalon ko rokane ke lie
davaen har din lee jaanee chaahie. takaleeph se aaraam dilaane ke lie,
short-ekting beeta 2-egonist jaisee inhelar dava lee ja sakatee hai."
asthama
ko kaaboo mein rakhane ke lie kuchh sujhaav
1-
chikitsa salaah ka dhyaanapoorvak paalan karen. asthama par niyamit roop se
nigaraanee rakhane kee aavashyakata hai aur nirdhaarit davaen lekar lakshanon
ko kaaboo mein rakhane mein madad mil sakatee hai.
2-
imphlooenja aur nyoomoniya ke teeke lagavaane se asthama ke daure se bacha ja
sakata hai.
3- un
trigars ko pahachaanen jo asthama ko tej karate hain. ye elarjee paida karane
vaale dhoolakan aur sookshm jeev tak kuchh bhee ho sakate hain.
4-
saans lene kee gati aur asthama ke sambhaavit hamale ko pahachaanen. isase
aapako samay par dava lene aur saavadhaanee baratane mein sahooliyat hogee.
EmoticonEmoticon