subah
bistar chhodate hee hamaara sabase pahala kaam brash karana hee hota hai.
bachapan se lekar budhaape tak daanton kee saphaee va taajagee ke lie brash
karana hamaaree jindagee ka ek aham hissa ban chuka hai. daanton kee roj din
mein do baar saphaee karana behad jarooree hai. daanton kee saphaee karane se
saanson kee takaleeph va munh kee anya beemaariyaan nahin hoteen.
isake saath hee ek haaliya shodh kahata hai ki yaaddaashta
ko durusta rakhane mein bhee daanton kee
saphaee jarooree hai. haal mein kie ek shodh mein bataaya gaya hai ki vayaskon
dvaara apane daanton kee uchit dekhabhaal karana yaanee niyamit roop se brash
karana yaadadaasht banae rakhane mein madadagaar saabit hota hai.
kya
kahata hai shodh
pahale
ke shodhon mein bhee daanton kee saaph-saphaee na rakhane ko dimenshiya
(yaadadaasht kam hona) samet hrdayarog, strok va daayabiteej ke lie jimmedaar
bataaya gaya tha. nyooyaark ke kolambiya kaalej ke shodhakartaon ke mutaabik
masoodhon kee beemaaree mastishk kee kriyaavidhi ko prabhaavit karane ke saath
poore shareer mein jalan paida karatee hai.
shodh
mein 60 saal va usase jyaada umr ke logon ko shaamil kiya gaya. jin logon mein
masoodhon kee beemaaree ke lie jimmedaar paithojan jyaada paaya gaya unamen
yaadadaasht sambandhee dikkaten dekhee gaeen. pramukh shodhakarta da. jems
nobal ne bataaya, jin logon mein paithojan ka uchch star paaya gaya unamen
yaadadaasht kee gambheer pareshaanee dekhee gaee. shodh se saaph hai ki
daanton-masoodhon kee uchit dekhabhaal na karane se dimenshiya ka khatara paida
ho sakata hai.
jarnal
aaph nyoorolaajee, nyoorosarjaree end saikaitree mein prakaashit riport ke
mutaabik kareeb 2400 purushon va mahilaon par kie gae shodh mein daanton kee
beemaariyon ko yaadadaasht par prabhaav daalane vaala paaya gaya. daanton kee
beemaaree se peedita 5.7 pheesadee logon ko yaadadaasht kee saamaany samasya
dekhee gaee jabaki 6.5 pheesadee logon ko ree-kaal (dobaara yaad karana) va
22.1 pheesadee logon mein lagaataar bhoolane kee pareshaanee dekhee gaee.
EmoticonEmoticon